वीरगञ्ज ७ असोज । नेपाल सरकार मन्त्रिपरिषदको मंगलवार बसेको बैठकले नेपाल–भारत सीमानाका पूर्णरूपमा खुला गर्ने निर्णय गरे पनि आज बिहीबार सम्म बीरगञ्ज–रक्सौल नाका बन्द नै रहेको छ ।
पहिलो लकडाउन शुरू हुनुअगावै २०७६ चैतको पहिलो सातादेखि बन्द भएको नेपाल–भारत सीमा २०७८÷६÷५ गतेको मन्त्रिपरिषद्को बैठकले खुला गर्ने निर्णय गरेको थियो । तर बिहीबार आज पनि वीरगञ्ज– रक्सौल नाका बन्द रहेको छ ।
पर्सा जिल्लाभरिका नाका बन्द रहेको प्रमुख जिल्ला अधिकारी पीताम्बर घिमिरेले बताए । उनले मन्त्रिपरिषदको बैठकले निर्णय गरेको समाचार सुने पनि सोसम्बन्धी लिखितपत्र नआएको कारण सीमा खुला नगरिएको उनले बताए ।