बिरगंज महानगरपालिका वडा नम्बर ११ मा आईतबार देखि ४५ दिने कम्प्युटर लेखा सम्बन्धी तालिम शुरु भएको छ । वीरगन्ज महानगरपालिका को सहयोग तथा यु डि वाई सेफको सहकार्यमा वडा नम्बर ११ को कार्यालयमा आज कम्प्युटर लेखा सम्बन्धी तालिमको आयोजना गरेको हो ।
एघार नंम्बर का छात्रा हरूलाई प्रविधि सम्बन्धी सचेत बनाउने र सिप सिकेर आत्मनिर्भर बनाउने उद्देश्यले तालिमको आयोजना गरिएको वाडा अध्यक्ष प्रधुम्न प्रसाद सेढाईले बताएका छन् । यु डि वाई सेफका कम्प्युटरका संचालक बंशीधर गुप्ताको सभापतित्वमा भएको तालिमको उद्घाटन वडा अध्यक्ष सेढाईले गरेका थिए ।
तालिममा वडाका २५ जना महिलाहरु सहभागी छन् । उनीहरुले ९० घण्टा अर्थात ४५ दिनको तालिम प्राप्त गर्ने यु डि वाई सेफका वंशीधर गुप्ताले जानकारी दिए । उदघाटन कार्यक्रममा वडा नम्बर ११ का सदस्य प्रयाग महतो कोहाड, ईन्जिनियर सुधिर गुरागाई, ईन्जिनियर उद्धब गुप्ता, मुस्तकिम हवारी, कुमारी देवि, मिना देवी, पुजा लुइटेल, प्रशिक्षक श्यामबिनय चौधरी, अभिजित चौधरी, सुभाष मेहता लगायतको उपस्थिती रहेको थियो ।