बिन्दबासिनीको कार्यपालिका चुनावमा कांग्रेसको जीत

पर्साको बिन्दबासिनी गाऊँपालिकाको कार्यपालिकाको सदस्यका लागी भएको निर्वाचनमा गठबन्धनका ६ जना उम्मेदवार बिजयी भएका छन ।
कार्यपालिका सदस्यका लागि बिहीबार भएको निर्वाचनमा नेपाली कांग्रेस र लोसपा बीच गठबन्धन भएको थियो भने एमाले र जसपा बीच पनी गठबन्धन भएको थियो ।
दलित वा अल्पसंख्यक सदस्यमा नेपाली कांग्रेसका अशोक कुमार गुप्ता र शम्भु प्रसाद बरै २१ / २१ वटा मत ल्याएर निर्वाचित भएका छन भने नेकपा एमालेका उम्मेदवार पारस बैठा धोबी ३ मत , हीरालाल मुखिया ० र जसपाका उम्मेदवार हीरालाल साह कानु ३ मत ल्याएर पराजित भएका छन ।
महिला तर्फबाट नेपाली कांग्रेसका धनपति देवी र लोसपाका कुस्मी कुमारी देवी , रीमा कुमारी देवी र मानती देवी निर्विरोध भएका हुन ।
बिहीबार भएको निर्वाचनमा २७ जना मतादाता रहेकोमा २५ जनाले मात्र मतदान गरेका थिए जसमध्ये १ मत बदर भएको थियो भने निर्वाचन अधिकृत अरुण कुमार कोईरलाले बताए ।
बैशाख ३० मा भएको स्थानीय तह निर्वाचनमा गाऊँपालिकामा लोसपाका अध्यक्ष , एमालेले उपाध्यक्ष , नेपाली कांग्रेसले ३  वडा अध्यक्ष , जसपाले १ वडाअध्यक्ष र एउटा वडामा माओबादीका उम्मेदवार वडाअध्यक्षमा निर्वाचित भएका थिए ।