१२ भदौ, बिरगंज । आर्थिक नगरी बिरगंजबाट प्रकाशित हुने मध्य नेपाल साप्ताहिक पत्रिकाको ८ औ वार्षिकोत्सव समारोह तथा सम्मान कार्यक्रम बुधबार सम्पन्न भएको छ।
पत्रिकाकी संचालक -सम्पादक कविता खड्काको अध्यक्षतामा सम्पन्न सो कार्यक्रममा प्रमुख अतिथि बिरगंज महानगरपालिकाका नगर प्रमुख राजेशमान सिंह रहेका थिए । सो कार्यक्रममा प्रमुख अतिथि सिंहले “मध्ये नेपाल उतकृष्ट पत्रकार महिला पुरस्कार ” बाट निलिमा पौडेललाई नगद ११ हजार १ सय १ रुपैया पुरस्कार समेत प्रदान गरेर सम्मान गरेका थिए । उनि करिब डेढ दशक देखि सक्रिय पत्रकारिता गर्दै हाल रेडियो बिरगंजमा कार्यरत रहेकी हुन् ।
सो कार्यक्रममा नेपाल पत्रकार महासंघका अध्यक्ष अनुप तिवारी, सखुवा प्रसौनि गाउपालिकाका अध्यक्ष यसवन्त यादव, पटेर्वा सुगौली गाउपलिकाकी उपाध्यक्ष ममता महतो, नेपाल रेडक्रस सोसाइटी पर्साकी मधु राणा, डा.शुष्मा तिवारी, नेता अजय दुवेदी , लगायतको सहभागिता रहेको थियो भने कार्यक्रमको सहजीकरण लक्ष्मी खरेलले गरेकी थिइन् ।