HamroNepalDainik.com
समाचारस्थानिय

गाउँपालिका अध्यक्ष गुप्ताद्वारा विद्यालय भवनको शिलान्यास

वीरगंज । पर्साको कालिकामाई गाउँपालिका वडा नम्बर २ भेडिहारीमा शुक्रबार श्री सुकई साह माध्यमिक बिधालयमा एक कार्यक्रमका बिच दुई तल्ले ४ कोठे भवनको शिलान्यास गरिएको छ ।

एक कार्यक्रमका बिच कालिकामाई गाउँपालिकाका अध्यक्ष बशिष्ठ कुमार गुप्ताले ४ कोठे भवनको शिलान्यास गरेका हुन् । विद्यालय भवनकाे शिलान्यास गर्दै गाउँपालिका अध्यक्ष गुप्ताले चुनावको समयमा जनता संग गरेको प्रतिबद्धता अनुसार आफु काम गरिरहेकाे बताए ।

उनले शिक्षा भए सबै विकास सम्भव रहेको बताउँदै शिक्षामा गाउँपालिकाले लगानी गरिरहेकाे वताए । कार्यक्रमका प्रमुख अतिथी समेत रहेका अध्यक्ष गुप्ताले आफुलाई विकासको दिसाबाट जति भटकाउने कोशिस गरिए पनि आफु नभटकने जिकिर गरे ।

रु ५३ लाख ८५ हजारकाे लागतमा निमार्ण हुने भवनकाे निर्माण कार्य २०८२ असार १५ सम्पन्न गरि सक्नु पर्ने छ । कुल लागतमा कालिकामाई गाउपालिकाले रु ५३ लाख ३५ हजार ब्यहोर्ने र ५ लाख ५० हजार श्रमदानमा राेशन उपभोग्ता समिति मार्फत निर्माण कार्य सुरु भएकाे छ ।

निर्माण कार्यकाे लागि गाउँपालिकासं मिति २०८१ फाल्गुन ११ गते सम्झौता भएको रोशन उपभोग्ता समितीका अध्यक्ष ताजिन्द्र साह कलवारले जानकारी दिए ।

विद्यालय ब्यवस्थापन समितीका अध्यक्ष पानालाल साहको अध्यक्षतामा भएकाे शिलान्यास कार्यक्रममा वडा नम्बर २ का वडा सदस्यहरु बिजय सहनी, मोहन चौरसिया, अर्जुन राम, वडा नम्बर ३ का वडा सदस्यहरु संजय पटेल, रामराज चौरसिया, कमलेश पासवान, स्थानिय नेता पपु खां पैठान, सुनिल साह कानु, संजय साह कानु, सुनिल साह तेली, प्रध्यनाध्यापक शुबोद्ध चौरसिया, लक्ष्मण ठाकुर लोहार, जयप्रकाश चौरसिया लगायत स्थानिय भद्रभलादमीहरुको उपस्थिती रहेको थियो ।

Related posts

“जिम्मेवार पत्रकारिता र राससकाे भूमिका” विषयक अन्तरक्रिया कार्यक्रममा सम्पन्न

hamronepaldainik

पर्सा क्षेत्र नं.३(क) को प्रदेश सभा सदस्य स्वतन्त्र उम्मेदवार प्रमोद जयसवाल लोकप्रिय बन्दै

hamronepaldainik

वीरगंज नगर सभागृहका संचालक राजनीतिक आडमा समझदारी पत्रको उलंघन गर्दै

hamronepaldainik
HamroNepalDainik